Aankhon Mein Raha Dil Mein Uter Ker Nahin Dekha



Aankhon Mein Raha Dil Mein Uter Ker Nahin Dekha
Kashti Kay Musafir Nay Samndur Nahin Dekha

Bewaqt Ager Jaaunga To Sab Chonk Parengay
Ek Umer Hui Din Mein Kabhi Ghar Nahin Dekha

Jis Din Say Chala Hoon Meri Manzil Pay Nazar Hay
Aankhon Nay Kabhi Mel Ka Pathar Nahin Dekha

Yeh Phool Mughay Koi Wirasat Mein Milay Hein
Tum Nay Mera Kanton Bhara Bistar Nahin Dekha

Pathar Mughay Kehta Hay Mera Chahnay Wala
Main Mom Hoon Usnay Mughe Chooker Nahin Dekha


, , , , , , , , ,