Baaton Main Koi Nam Kasak Jae To Kia Ho



Baaton Main Koi Nam Kasak Jae To Kia Ho
Ye Dil He,Kabhi Dukh Se Sisak Jae To Kia Ho

Jugnoo Ke Khuwab Kis Lie Rakhte Ho Aankh Main
Jugnoo He Sar_E_Sham Dehak Jae To Kia Ho

Badal Ki Tarah Tum Kabhi Sehra Main Na Rukna
Tishna He Behisab,Behak Jae To Kia Ho

Wo Dast_E_Hunar Chahe Masihai Jo Dil Ki
Dil Ke Bajae Daagh Chamak Jae To Kia Ho

Iss Khof Se Aankhon Ko Khon Kar Lia Ham Ne
Gar Zabt Ka Aansoo Hi Chlak Jae To Kia Ho

Bebas Ye Nazr Aasman Ko Takne Lagi He
Gar Sabr Mera Arsh Talak Jae To Kia Ho

Jo Kuch Likha He Tu Ne Dilon Ki Kitab Main
Aankhon Se Hurf Hurf Jhalak Jae To Kia Ho

Bujhte Hoe Iss Dil Pe Tu Ne Hath Rakh Dia
Dil Lams Ki Hidat Se Dhadak Jae To Kia Ho

Choo Le Jo Tu Kitab Main Rakha Hua Kanwal
Murjhaya Hua Phool Mehak Jae To Kia Ho


, , , , , , , ,