Har Milne Wale Ki Zindagi Ko Mehkate Rehna



Har Milne Wale Ki Zindagi Ko Mehkate Rehna
Kitna Hi Dard Ho Jehan Me Par Muskarate Rehna

Zindagi Ki Raat Me Chahe Amavas Hi Aa Jaye
Par Tum Aasha Ke Taron Ki Tarah Timtimate Rehna

Mushkilen To Mehman Ban Kar Aati Rahengi
Tum Bas Un Mushkilon Me Bhi Khilkhilate Rehna

Jeevan Ki Ranbhumi Ke Har Mor Par Tum Bas
Aage Badhkar Apni Vijay Pataka Fahrate Rehna

Is Paapi Kaliyug Ke Is Ghor Andhakar Men
Tum Acchai Ke Deepak Ban Jagmagate Rehna

Ye”Ghayal” Kabhi Yahan Rahe Ya Na Rahe Par
Tum Use Yaad Karne Ko Humesha Aate-Jate Rehna


, , , , , , , ,