Hudod-E-Zabt-E-Wafa Se Guzarne Wala Tha



Hudod-E-Zabt-E-Wafa Se Guzarne Wala Tha
Main Apne Aap Ko Neelaam Karne Waala Tha

Safar Ke Shauq Ne Majboor Kar Diya Warna
Main Tere Shehar Mein Ik Din Theharne Wala Tha

Khud Apne Saaye Se Ab Chaunk Utth’ta Hai
Woh Aadmi Jo Kissi Se Na Darne Wala Tha

Teri Nazar Ne Bare Pyar Se Samait Liya
Abhi Main Aur Zayada Bikharne Waala Tha

Huwa Hai Qtal Mera Khwahishon Ke Haathon Se
Main Itni Jald Tau Hargizz Na Marrne Waala Tha

Khalish Lahoo Na Raha Mere Jism Mein Warna
Ghazal Mein Aur Bhi Main Rang Bharne Waala Tha…


, , , , , ,