Husn Baaqee, Shabaab Baaqee Hai



Husn Baaqee, Shabaab Baaqee Hai
Aashiqee Kaa Nisaab Baaqee Hai!

Roz Jeetaa Hoon Roz Martaa Hoon
Zindigee Kaa Hisaab Baaqee Hai!

Thak Gaye Paa’oon, Par Gaye Chhaale
Hasraton Kaa Saraab Baaqee Hai!

Dil Sar.E.Shaam Se Bujhaa Saa Hai
Ik Shab.E.Iztiraab Baaqee Hai!

Parh Chuke Ham Bohat Kitaab.E.Zeest
Aakhiree Aik Baab Baaqee Hai!

Aazmaa’ish See Aazmaa’ish Hai?
Mar Gaye Ham, Hisaab Baaqee Hai!

Dekhiye Kyaa Ho Ishq Kaa Anjaam
Vaqt Kaa Ihtisaab Baaqee Hai!

Raah Kyon Tak Rahe Ho Ab :sarwar:
Kyaa Ko’ee Aur Khwaab Baaqee Hai?

  • Saath Mein Guzre Lamhon Ki Yaad Bahut Aayegi
  • Mera Paigam Mohabbat Hai
  • Bichar Ke Tujse Na Milna Toh Ek Bahana Tha
  • Dulhan Bani Hai Phir Ek Aarzoo Jawan
  • Apna Pyaar Nahi Milta

  • , , , ,