Jeet Kar Khushiya.N Manate Hai.N Sabhi



Jeet Kar Khushiya.N Manate Hai.N Sabhi,
Haar Kar Khushiya.N Manana Seekh Lo
Jeet Loge Tum Zamana Ek Din,
Dard Pee Kar Muskurana Seekh Lo

Log Kahate Hai.N Bhula Do Dard Ko,
Par Bhulana Dard Ko Mumkin Kaha.N
Bhoolne Ki Koshishe.N Bekar Hai.N,
Dard Se Nazare.N Milana Seekh Lo

Dard Se Daman Bachhana Chhodiye,
Dard Sachha Dost Sachha Meet Hai
Ek Nagma Pyar Ka Ban Jayega,
Tum Ise Bas Gungunana Seekh Lo

Hamne Dekha Hai Batati Hai.N Pata,
Manzilo.N Ka Rah Ki Dushwariya.N
Zindagi Ke In Andhero.N Mei.N Kavvish,
Dard Ke Deepak Jalana Seekh Lo


, , , , , , ,