Kaho Kaise Ho



Kaho Kaise Ho
Kaise Zindagi Ke Din Guzarte Hein
Kaho Ab Bhi Humari Yaad Ke Jugnu Chmakte Hein
Kaho Kya Chandni Raaton Me Ab Bhi Dil Dharkta Hai

Kaho Kya Aj Bhi Milne Ki Khatir Jih Machalta Hai
Kaho Tanhaiyon Se Khauf To Ata Nahin Tumko
Kaho Khuab To Koi Tarpata Nahin Tumko
Kaho Ke Yaad Hein Ab Bhi Tumhe Guzri Hui Raaten

Kaho Dil Se Bhula Nahin Sakte Woh Pyar Ki Batein
Kaho Duniya Me Rehna Ab Tumhe Bekar Lagta Hai
Kaho Ke Hijr Me Jeena Bohat Dushwar Lagta Hai
Kaho Bichre Hue Saathi Joh Mil Jaen To Acha Hai

Kaho Guzre Hue Woh Din Palat Ayen To Acha Hai
Kaho Kaise Sulagti Agh Se Daman Bachao Ge
Kaho Mayoosion Se Kis Taran Picha Churao Ge
Kaho Tum Se Bichar Kar Neend Ankhoon Me Nahin Ayi

Kaho Tum Se Bichar Kar Waqt Ho Gaya Hurjai
Chalo Keh Do Judai Ka Zeher Pina Nahin Aya
Chalo Keh Do Tumhare Hijr Me Jeena Nahin Aya