Kyun Tum Mujhko Achche Lagte Ho



Ik Din Jab Tumne Ye Kaha Tha
Main Tumko Achhi Lagti Hun

Us Din Se Main Apne Aap Ko
Bhi Kuchh Achchi Lagti Hun

Usase Pahle Socha Nahii Tha
Ki Main Kaise Lagti Hun

Tumne Kaha Tha Rang Gulabi
Mujh Par Alag Hi Lagta Hai

Usake Baad Se Rang Gulbi
Aksar Main Pahnati Hun

Choodi Tumko Pasand Bahut Hai
Isiliye Pahnati Hun

Inki Khan Khan Se Tum Khush Ho
Main Bas Tumko Takti Hun

Khud Ko Dekha Nazar Se Teri
Tab Hi Kuchh Main Achchi Lagi

Verna Socha Kabhi Nahi Tha
Ki Main Kaise Lagti Hun

Tum Mujhko Bas Jaise Ho
Vaise Hi Achche Lagte Ho

Khoi Khoi Aankhen Tumhari
Unme Main Kho Jaati Hun

Laparvah Si Hansi Tumhari
Mujhko Himmat Deti Hai

Ek Nazar Jo Mujhko Dekho
Phool Si Main Khil Jaati Hun

Aur Kya Kya Main Batalaun
Kyon Tum Mujhko Achche Lagte Ho


, , , , , ,