Mere Ham-Nafas, Mere Ham-Navaa



Mere Ham-Nafas, Mere Ham-Navaa, Mujhe Dost Banake Dagaa Na De
Main Hun Dard-E-Ishq Se Jaanvalab, Mujhe Zindagi Ki Duaa Na De

[Jaanvalab=death, Dead]

Mere Daag-E-Dil Se Hai Raushani, Usi Raushani Se Hai Zindagi
Mujhe Dar Hai Aye Mere Chaaraagar, Ye Charaag Tu Hi Bujhaa Na De

[Chaaraagar=physician]

Mujhe Chhod De Mere Haal Par, Teraa Kyaa Bharosaa Hai Chaaraagar
Ye Teri Nawaazish-E-Mukhtasar, Meraa Dard Aur Badaa Na De

[Mukhtasar=brief]

Meraa Azm Itanaa Baland Hai Ke Paraaye Sholon Kaa Dar Nahin
Mujhe Khauf Aatish-E-Gul Se Hai, Ye Kahin Chaman Ko Jalaa Na De

[Sholon=balls Of Fire; Aatish=fire]

Wo Uthe Hain Leke Hom-O-Subu, Arey O ‘Shakeel’ Kahaan Hai Tu
Teraa Jaam Lene Ko Bazm Mein Koi Aur Haath Badaa Na De

[Hom=burnt Offering; Subu=wine Cup]

  • Tamhid-E-Sitam Aur Hai
  • Un Se Ummid-E-Runumaai Hai
  • Dur Hai Manzil Raahen Mushkil Aalam Hai
  • Hangaamaa-E-Gam Se Tang Aakar
  • Meri Zindagi Hai Zaalim

  • , , , , ,