Nanhain Pairon Pay Dorta Bachpan



Nanhain Pairon Pay Dorta Bachpan
Hansta Gaata Muskurata Bachpan

Teri Kilkaarion Main Sabaan Kay Jhonkay
Teri Shokhi Main Bahaaron Kay Andaaz

Teri Udaasi Say Tarap Jaayay Kahkashaan Saari
Teri Tutlahat Main Raagon Ka Riyaaz

Koi Suqraat Bhee Kya Teray Zauq-E-Talab Kay Aagay
Teri Masti Ki Raqs Main Ho Jaisay Hyaat

Teray Labon Pay Khailti Hai Aisay Shffaaf Hansi
Ki Shrma Jayay Issay Parion Ki Bhee Zaat

Tu Hai Meray Jism-O-Ruh Ka Qalaam
Teri Ghardish Main Meri Hasti Ka Nizaam

Tujhsay Hai Masrrat Kay Phir Raushan Chiraagh
Teray Irtiqa Main Nihaan Meray Teerath-O-Dhaam

Aur Ai Meray Lakht-E-Jigar Yeh Hai Khud Say Ahad Mera
Ki Na Ban Jayay Baar Tera Yeh Tmaam Pyaar Mera
Aur Parwaazon Main Teri Na Ho Meri Tamnnaon Ka Beseraa


, , , , , ,